काभ्रे ।नेकपा एमालेका उपमहासचिव विष्णु रिमालले आगामी चुनावका सन्दर्भमा अनेक तगारो तेर्स्याइएको टिप्पणी गर्नुभएको छ । भक्तपुरमा
इम्प्रेसन नेपालको नवौं राष्ट्रिय अधिबेशनलाई सम्बोधन गर्दै उहाँले निर्वाचन आयोगले आफ्नो अनुकुलमा आचारसंहिता बनाएको बताउनुभयो । यस्तै आर्थिक कारण देखाएर पनि निर्वाचन हुन नदिने खेल हुन सक्ने उहाको आशंका छ । उहाँले नेपालमा दुई विचारधारको लडाइ भइरहेको समेत दाबी गर्नुभयो। माओवादी केन्द्रका अध्यक्ष पुस्पकमल दाहाल प्रचण्डले नेपालमा दुई दल स्थापित गर्न चलखेल गरिरहेको बताएको तर्फ सङ्केत गर्दै वास्तविकता पनि त्यही हुन लागिरहेको उपमहासचिव रिमालले बताउनुभयो । नेकपा एमालेले समृद्धिको नेतृत्व गर्ने र काङ्ग्रेस लगायतका अन्य पार्टिले दक्षिणपन्थी, प्रतिगामीको नेतृत्व गर्ने उहाँको भनाइ छ । देशभरि नै एमाले प्रती आकर्षण बढेको उहाँको तर्क छ । नेपाली काङ्ग्रेस भारतिय काङ्ग्रेस जस्तो हुनी बिस्लेसन हुन थालेको उहाँको भनाइ छ ।
- न्युज काभ्रे संवाददाता
