काभ्रे : नेपाल सरकारले स्थानीय तहको निर्वाचनको लागि माग गरेको म्यादी प्रहरीमा युवाहरुको आर्कषण बढ्दै गएको देखिन्छ । म्यादी प्रहरी भर्ना कार्यको आज चौँथो दिन जिल्ला प्रहरी कार्यालय काभ्रेमा ६ सय ५७ जनाले आवेदन दिएको जिल्ला प्रहरी कार्यालय काभ्रेले जनाएको छ ।
स्थानीय तहको निर्वाचनको लागि काभ्रेमा १४ सय ९५ जना म्यादी प्रहरी माग गरिएको छ । जसका लागि हालसम्म काभ्रेमा २३ सय ५ जनाले आवेदन दिइसकेको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक हरि खतिवडाले जानकारी दिए ।
उनका अनुसार पहिलो दिन ४ सय ५० जना, दोस्रो दिन ६ सय ९ जना , तेस्रो दिन ५ सय ८९ जना र आज चौँथो दिन ६ सय ५७ जना गरी २३ सय ५ जनाले आवेदन दिइसकेका छन् । जसमध्ये ५ सय ९८ जना महिला र १७ सय ७ जना पुरुष रहेका छन् ।
- न्युज काभ्रे संवाददाता
