काभ्रे । ललितपुरको फूलचोकी डाँडादेखि काभ्रेको पनौती नगरपालिका–२ गुर्दुम डाँडासम्म साहसिक साइकल ट्रेल निर्माण गरिएको छ ।
ट्रेलको शनिबार पनौती नगरपालिकाका उप–प्रमुख गिता बञ्जाराले उद्घाटन गर्नुभयो ।
पनौती नगरपालिकाले ८ लाख रुपैयाँको लागतमा साइकल ट्रेल निर्माण गरेको हो ।
२२ दिनमा ट्रयाक निर्माण सम्पन्न भएको पनौती नगरपालिका–२ का वडाध्यक्ष पुरुषोत्तम अधिकारीले जानकारी दिनुभयो ।
उक्त साइकल मार्गको दुरी ७ किलोमिटर रहेको छ ।साइक्लिङ गर्नेहरूलाई प्रमाणपत्रद्वारा सम्मान गरिएको थियो । मनोरञ्जनका दृष्टिले यो मार्ग एकदमै उपयुक्त रहेको उनीहरूको भनाइ छ ।
