काभ्रेपलान्चोक – आजको बचत भोलिको उज्वल भविष्य भन्ने मुल नाराको साथ प्रभात बचत तथा ऋण सहकारी संस्थाले बेथानचोक गाउँपालिका वडा नं. ६ भुग्देउको श्री सरस्वती माध्यमिक विद्यालयको विद्यार्थीहरु लाई तेक्वान्दो पोशाक वितरण गरेको छ । आज संस्थाका अध्यक्ष सागर नाथ कपालिले विद्यार्थी लाई तेक्वान्दो पोशाक हस्तान्तरण गर्नु भएको थियो ।
कार्यक्रममा बोल्दै प्रभात बचत तथा ऋण सहकारी संस्थाका अध्यक्ष सागर नाथ कपालिले सरस्वती माध्यमिक विद्यालयमा प्रभात बचत खेलको माध्यम बाट जोडिएको बताउदै राजधानीबाट नजिक भएर पनि बिकासमा पछाडि परेको भुग्देउ ६ मा रहेका खेलाडीहरु लाई प्रोत्साहन स्वरुप पोशाक वितरण गरेको बताउनु भयो । कोभिडको कारणले खेलाडीहरु लाई समयमा नै पोशाक वितरण गर्न नसकेको बताउदै अब स्थानीय चुनाव पछि फेरि प्रभात बचतले सकेको सहयोग गर्ने बताउनु भयो । उहाँले काभ्रेको धेरै विद्यालयमा प्रभात बचतले पारिवारिक आय स्तर कम भएको बिद्यार्थीहरु लाई स्टेसनरी, स्कुल ड्रेस, खेलकुदको सामाग्री सहयोग गर्दै आएको जानकारी दिनु भयो । सहकारी संस्था कमाउने थलो मात्रै नभएको उल्लेख गर्दै समाज परिवर्तनको एक स्वरुप रहेको बताउनु भयो ।
- न्युज काभ्रे संवाददाता
