बनेपा वडा नं १३ भैसेपाटीमा भक्तपुर तर्फ जादै गरेको ट्रक र मोटरसाइकल ठोकिदा एक जनाको मृत्यु भएकोे छ । मंगलबार बेलुका ७ बजे तिर बनेपा बाट भक्तपुर तर्फ जादै गरेको ना ८ ख ८०८७ नम्बरको ट्रक र बा ६७ प २८९२ नम्बरको मोटरसाइकल ठोकिदा उपचारको क्रममा बनेपामा रहेको शिर मेमोरियल अस्पतालमा एक जनाको मृत्यु भएको जिल्ला ट्राफिक प्रहरी प्रमुख राजेश सिल्वालले जानकारी दिए । उपचारको क्रममा रोशी गाउँ पालिका वडा नं १ का बर्ष १८ को कृष्ट लामाको मृत्यु भएको प्रहरीले जनाएको छ । मृतक लामा मोटरसाइकलमा पछाडी सवार रहेको प्रहरीले जनाएको छ । मोटरसाइकल चालक रोशी १ कै बर्ष २६ को एण्डी लामाको बनेपा अस्पतालमा उपचार भईरहेको छ । ट्रक र चालकलाई बनेपा प्रहरीको नियन्त्रणमा रहेको दुर्घटनाको बिषयमा थप अनुसन्धान भईरहेको ट्राफिक प्रमुख सिल्वालले जानकारी दिए ।
- न्युज काभ्रे संवाददाता
