काभ्रे : जिल्लाको भुम्लु गाउँपालिका वडा नं ७ स्थित फलाँटेमा फलाँटे सामुदायिक स्वास्थ्य इकाई भवनको उदघाटन गरिएको छ ।
नवनिर्मित फलाँटे सामुदायिक स्वास्थ्य इकाई भवनको उद्घाटन फाल्गुण ३० गते गरिएको हो । गाउँपालिकाको वडा नं ७ का अध्यक्ष रमेश राज खरेलको अध्यक्षतामा भुम्लु गाउँपालिकाका अध्यक्ष गुमान ध्वज कुँवरले फलाँटे सामुदायिक स्वास्थ्य इकाई भवनको उदघाटन गरेका हुन् ।
स्वास्थ्य इकाई भवनको उद्घाटन कार्यक्रमलाई सम्बोधन गर्दै गाउँपालिकाका अध्यक्ष कुँवरले गाउँपालिकाले स्वास्थ्यलाई प्राथमिकतामा राखेर विभिन्न कामहरु गर्दै आएको बताए । उनका अनुसार जसअन्तर्गत फलाँटेमा स्वास्थ्य इकाई भवन तयार भएको छ । यस नयाँ भवनबाट स्वास्थ्य सेवा प्रवाहमा सहज हुने उनले बताए ।
- न्युज काभ्रे संवाददाता
